لسة بحبك

من طرف GABAROT RAGOL الإثنين يونيو 01, 2009 8:30 am

ولسه بحبك بكل الحروف
ورمشك فى رسمى يسكن يطوف
احبك واشوفك بدون اى شوف
ماهو انتى فى كيانى من غير اى خوف
واصرخ بحبك برغم الحواجز
برغم إنى عارفك ... برغم إنى عاجز
برغم إنه ممكن ... برغم إنه جايز
وحروف احتمالك ما تقدر تمايز
واقولها بحبك بكل الحصافة
احبك وأعشق زمان الخرافة
أحبك وأقولها .. أصرخ وأقول
أحبك وأعشق حلمى يطول
أحبك مدارس واحبك فصول
واحبك جناين واحبك مداين
ولسه بحبك بكل الحروف
بكل الحروف
بحبك فى صوتك ينادى الطيور
احب فى همسك ما بين العصور
وانادى بحبك ما بين الزهور
الاقى طريق العتمة نور
واناشد كيانك بالوان الربيع
وحبك فى دمى لا عمرة يضيع
وارسم جفونك واعشق عيونك
وارجع معاكى كطفل وديع
واخاف ليوم الشمس تهرب
وارجع اعيش بين خوف وخوف
لسة بحبك بكل الحروف
اتمنى موتى ما بين جفونك
واتحدى صمتى لو يوم يخونك
واعيش غريب لو يوم بعدتى
واندة لدمعى يطفى شمعى
واخرج واجرى فى عز الليالى
ادور عليكى واناشد خيالى
وانادى بنبضى يقولك تعالى
اوعى تسبينى وقت الخسوف
ولسة بحبك بكل الحروف
**************
جبــــــ راجل ــــــــــروت