حبيبتي ( عبد الرحيم منصور )

من طرف GABAROT RAGOL الإثنين يونيو 01, 2009 9:40 am

افريز (1) الشارع أباريق

ومشينا رمشك كان لى طريق

لونتى الناس والشارع والعربيات بعيونك

أيدك .. راحة ايدى .. وعيدى

وسرير الفرحه لما أمدد رجليه

وزراير قمصانى

ونسيم ضحكنى وبكانى

اضحك

ابكى

أجرى

انده ع الشاب والشابه واقول شوفوا

هدى حبه

فوانيس الشارع حلمات

صبيان .. وبنات

يا حبيبتى .. مين فينا انا

انا .. ولا انتى

ولا الناس .. والفوانيس .. والشارع والعربيات

1965

الافريز للحائط : ما أشرف منه خارجاً عن البناء