ام فى لحظة حرب ( عبد الرحيم منصور )

من طرف GABAROT RAGOL الإثنين يونيو 01, 2009 9:36 am

حليت كردانى ..

ورميت الطرحه ورا ظهرى .

خدته فى حجرى

ملست عليه بشفايف قهرى ..

ولدى ..

وليدى ..

لسه ما لكشى على وش الدنيا يومين ..

العتمه رموش مش سهيانه

والجانى واخد ع العتمه بعيون خوانه

غطيته بشئ .. شئ معرفش إيه كونه

حلماتى رغم العتمه شايفه شفايفه .

انجغ ..

انجغه ..

اضحك ..

اضحك ..

والدك راجلى ..

فجرى .. مراجلى

على وش العتمه أهه عدى

شايفاه

شايفاه

وانت في إيديه سنكى فى سدر الأعدا ..