نفسي

من طرف GABAROT RAGOL الإثنين يونيو 01, 2009 8:25 am

نفسى فى قطر زمان
يرجع ياخودنى بعيد
ل أرضى والآوطان
لنهار فيوم العيد
عيدك يا أمى أجمل عيد
عيدك مفروش بزهور ووعيد
بافراح واحلام وقلبى بيكى سعيد
وأمسك قروشى فى أيدى
وأمسك إيديكى فى ايدى
وأنسى الهموم فعنيكى
وأشكى العيال وأشكيكى
وأرمى القروش لو هزعل
وأن تزعلى أرضيكى
وأقطف ورود ما بتدبل
تطرح شجر فإيديكى
وفى المولد
نفسى فيوم المولد
اجيب حصان لعروستك
ويقولوا تاة فى المولد
تنادينى تنهيدتك
أرجع وانا المشتاق
أخدك فى أحضانى
تقوليلى زعلانة منى
وصباع ف صباع
خاصم لآحلامى
واتغرب واطير لبلاد
مع أنى فى مكانى
نداهة تندهلى
بتروح وتنسانى
أبكى وانا الغلطان
تاخدينى من تانى
ونفسى
نفسى وانا عارف
لو يوم رجعت هناك
هرجع وانا خايف
القى الحنين أشواك
والقى الامل زايف
مع أنى وانا معاكى
قلبى حديد ومش خايف
تضمينى وتحمينى
وبنبض قلبك شايف
شايف فرحة ليالى العيد
والحب والتنهيد
وهدية على شفايفك
تضحكلى والايد تحضن ايد
والايد تحضن ايد