منتديات صدفه
زهران R211


انضم إلى المنتدى ، فالأمر سريع وسهل

منتديات صدفه
زهران R211
منتديات صدفه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

زهران

اذهب الى الأسفل

زهران Empty زهران

مُساهمة من طرف GABAROT RAGOL الإثنين يونيو 01, 2009 9:41 am



ع المشنقه ولدى

ع المشنقه زهران

ع المشنقه كبدى بينزف دم ع الأجران

زهران وكام زهران يا بنت الناس .

زهران في دنشواى

زهران في بورسعيد

زهران في السويس

زهران في سينا وروحه ع المينا

وكام زهران راح منك

وكان زهران هايجينا

زهران ودنشواى

والأنجليز .. والغناى

والفلاحين الفقارى وكلهم زهران

الاءنجليز شنقوه

والبشوات .. والفتنه

رجال ما كنش فى قلبها موال من طينتك

غير أنهم غناى

باعوا صبا زهران

واشتروا القفاطين وغلة الأجران

زهران

يا قلب الفلاحين

الفلاحين صفوف .. المشنقة ماشيين

احنا عملنا ايه ؟؟

احنا صنعنا ايه ؟؟

مين فى الزمن ده .. مين ؟!

يبقى لسان حالهم

مين فى الزمن ده ..

الاءنجليز ..

محكمه بلا موازين ..

وحضرة الباشا راضى مدام المشنقه ..

فرجة قصاد العين

زهران

يا عين الفلاحين

زهران .. يا عين أمك

ده كان زمانك محكمه لكن بلا قوانين .

ويا شعب يا بناى .

ويا شعب يا ماشى كما النيل والأبد ..

ويا شعب يا طيب

ياللى فديت أرضك بزهران الولد .

طيب . رحيم . بسيط . لكن .

عمرك ما كنت عبيط .

عمرك ما تنسى الجراح

طيب لكن قاسى فى وقت اللزوم

يعوم فى بحر النار ولو مالوش فى العوم

زهران

حمامه من حمام دنشواى

حمامه روح .

بتقول أكيد الحر فجره جاى

زهران حمامه

فوق بنانى دنشواى

بتلقط الحب

وقلبها هديل .

بتقول يا ليل الفلاحين . يا حب

أنا زهران .

يا ولدى ، يا حفيدى .

اوعاك تموت بايد اخوك في الأرض

ده انت فى زمن معدش فيه بشوات

اوعاك تبات غفلان .

واوعاك تنسى جراح دنشواى

واوعاك تنسى الصهاينة

افتكر زهران

1967

GABAROT RAGOL

Nick Name : جـٍـٍـٍـٍـٍبـٍـٍـٍـٍرٍوٍتٍ رٍاجـٍـٍـٍـٍـٍـٍـٍـٍلٍ
عدد المساهمات : 164
تاريخ التسجيل : 29/05/2009
رساله sms رساله sms : لم يقم هذا العضو بإنشاء ال sms الخاصه به

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى