امي(عبد الرحيم منصور )
صفحة 1 من اصل 1
امي(عبد الرحيم منصور )
أمى .. صابره ..
صابرة ويانا ع الحمل ..
أمى فلاحه ..
من قرية ( دندرة )
(بندر قنا )
لما تكل .
وناكل لقمتنا من قفا موتنا
تصحى من الفجريه ..
تنده ع الغجرية ..
تديها من ضيق لقمتنا
تفرش طرحتنا الصفرا
وترمى العيون الودع الغبرا
ولما تمشى الغجريه
تقعد أمى لمدة لحظة ناسيه العدوده
وفارشه جلابيتها السوده
فى عنيها حلم الغجريه ايديه ممدوده
وتنصب فينا واحد .. واحد ..
واحده .. واحده ..
والله كلام الغجريه .. صدق
يعنى كانت عارفه ايه جوه ضميرى ..
دنى حتى واريت برشى .. وطاطيت
وشوشت الودعات ..
وبصوت حتى انا ما سمعتوش
طيب مش اولى اسألها عن ولدى البكرى .
انما عارفه ولدى البكرى ..
قلبه اسود من جبة جدكوا
الشيخ سماعين
لا انا عارفه اندرله بشى
ولا حتى ودع الغجريه بيعرف
علشان عارفاه ..
مش طوع والديه
أنما أمى ..
قبلن ما الليل .. بااطرأفه يسبل عينها ..
تقلقها عزبة أبويا ..
وياخدنا صوت الغربه ..
وصوت الحلم ..
وصوت الغجريه ..
لحد الفجريه ..
يتعثر .. ويقوم ..
ويسيب البيت بالأيام .. ويطفش
ولكن شايفه قدامه سكه وحاتنفتح ..
قوللى انشالله ..
حايخطى فيها .. والسعد .. حايخطى معاه ..
وحايرمح .. يرمح .. زى الخيل ..
والخضره مزهزهه .. من تحتيه
وتشوفه الخلق ..
تضربله سلام .
قولى انشالله
انشالله يا خاله
مش قلت لكم يا ولاد سماعيل
رايح يطلع فارس ..
فارس زى الخيال يرمح ع الخيل ..
مش قلتلكم يا ولاد
يعنى كانت الغجريه نادراله إيه
دايما حاطط يده ع الخد
شايفاه لابس بالطو أبيض
وادى الناس حواليه ..
مادين ايدهم ..
طالبين الشفا .. يا اختى قولى انشا الله ..
انشالله ..
مش قلتلكم يا ولاد
حمدى حايطلع دكتور
يعنى كانت عارفه الغجريه نادراله ايه
وقالتلى عن سماعين
بعد ما وشوشت له الدكر التانى
فيه ولد من ولادك
يا ولداه .. مشواره طويل ..
الستر يا شابه ..
الستر يا خاله ..
رايح يتعثر .. ويقوم ..
قلت له ضميرى ..
امال ..
والله انتوا .. همكوا جوه قلبى جبال
أضحكوا ..
بكره حايجيكوا كلامى
وتقولوا زينب بنت الشيخ سماعين قالت .
من أول طرحه .. قالتلى ..
فيه ولد من ولادك ..
صلى ع الزين يا شابه ..
الله ما صلى عليك يا نبى
انشاله .. .. أيه شفتى ..
الودع اهو مفتوح زى كتاب قدامى ..
بقراه ..
قوللى انشاله ..
فيه ولد من ولادك ..
بيعاف حتى ما يكام حد ..
GABAROT RAGOL- Nick Name : جـٍـٍـٍـٍـٍبـٍـٍـٍـٍرٍوٍتٍ رٍاجـٍـٍـٍـٍـٍـٍـٍـٍلٍ
عدد المساهمات : 164
تاريخ التسجيل : 29/05/2009
رساله sms :
مواضيع مماثلة
» مصر (عبد الرحيم منصور )
» الدم (عبد الرحيم منصور )
» الربابة(عبد الرحيم منصور)
» الرحاية (عبد الرحيم منصور )
» الرقص(عبد الرحيم منصور)
» الدم (عبد الرحيم منصور )
» الربابة(عبد الرحيم منصور)
» الرحاية (عبد الرحيم منصور )
» الرقص(عبد الرحيم منصور)
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى