منتديات صدفه


الرحلة (عبدالرحيم منصور )

اذهب الى الأسفل

الرحلة (عبدالرحيم منصور )

مُساهمة من طرف GABAROT RAGOL في الإثنين يونيو 01, 2009 9:33 am

ـــ بسافر .. بسافر

بهاجر .. بهاجر

ـــ امتى حاتلقى المحطة وترسى يا حاير ؟؟

ـــ مر السؤال ع اللى مالوش ع السكه آخر

من مصغرى ..

لمكبرى .. مسافر

يغوى مشاوير الهوى والدنيا ..

والقطر واخدك فين ؟ ..

والقطر واخدني بلا محطه

آه يابا

آه يابا

يابا عليه

لا دار .. ولا مرسى .. ولا صبيه

بسافر .. واسافر

بهاجر .. واهاجر

ـــ يطوينى صوت الخطاوى . وصوت القطر والمينا

كأنى سفريه وبحر . وخيل سفينه

ـــ يعنى بغناك تشترينا ..

ما كفايه ما يكفينا

ـــ مين قال فى الهوايل بابيع واقصقص ربيعى

ـــ ان كان بدك تلاوم ما تشتريش منى بيعى ..

وأوعاك تسوق الملامه

شيبة قليبى علامه

وآه يابا

آه يابا

يابا عليه

لا دار .. ولا مرسى .. ولا صبيه

يسافر .. واسافر

بهاجر .. واهاجر ..

ـــ طويت بوادى ومزارع

يا قطر يابو الزوابع

وقف الزمان جوايا

وقلبى فرع وفارع

كانت معايا صبيه

أم العيون مستحيه

برموش عليله وكحيله

ساهمه فى احلام طويله

عيونها مش راسيه يابا

كأنها فى ترحيله

ليل السفر شبوره

خيم عليها وعليه

حسيت بشالها الحرام

فارد إيديه شمسيه

ولا حلال يا خال ع الدوام

ولا نجمه تفضل ضويه

سابتلى شالها الحرام

مش حمل طول سفريه

وآه يابا

آه يابا

يابا عليه

لا دار ولا مرسى ولا صبيه

بسافر

يسافر

بهاجر

أهاجر

GABAROT RAGOL

Nick Name : جـٍـٍـٍـٍـٍبـٍـٍـٍـٍرٍوٍتٍ رٍاجـٍـٍـٍـٍـٍـٍـٍـٍلٍ
عدد المساهمات : 164
تاريخ التسجيل : 29/05/2009
رساله sms رساله sms : لم يقم هذا العضو بإنشاء ال sms الخاصه به

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى