تناتيش

من طرف GABAROT RAGOL الإثنين يونيو 01, 2009 8:57 am

تنـــــاتيش

تناتيش تناتيش
هي الحياة تناتيش
ساعات ننام على الحجر
وساعات مراتب ريش
تناتيش تناتيش
تبكى الجفون دمعة
وعيونا بتخبى
نضحك لنور شمعة
وفى ضيها نحبي
واهي دمعة على ضحكة
بتهون السكة
وان الأمور حبكت
نحبكلها حبكة
بس المهم نعيش
تناتيش تناتيش
بنعيش اليوم بيومه
وندوب في أفراحنا
ننسى الحزن وهمومه
وندوس على جراحنا
واهي فرحة تواسنا
ولا جرح يشجينا
وان توهنا وبعدنا
الصبر يلاقينا
صابرين كما الدراويش
تناتيش تناتيش
لا الفرحة دايما لينا
ولا حتى أحزانا
زى ما بعنا اشترينا
والدنيا عنوانا
واهي دنيا عايشنها
حسبانا حاسبنها
تقسي علينا ساعات
وساعات نجننها
عشان رغيف العيش
تناتيش تناتيش