النهاية

من طرف GABAROT RAGOL الإثنين يونيو 01, 2009 8:58 am

الليل محاوط حتتنا
والمية مخاصمة اراضينا
ياقمر ما تحود نحيتنا
لية ضيك زعلان وناسينا
والعتمة
والعتمة فى عز الضهرية
قاسية على الخلق المنسية
والخلق همومها فى جلابية
منسوجة من خيط حسرتنا
والحسرة
والحسرة يا حسرتها معانا
على زاد فى ايدين غول طمعانة
وبطونا الفاضية الجوعانة
بتنادي دقيقنا وردتنا
والردة
والردة كماني ملاقينهاش
دورنا وبردك ما عرفناش
نوصل لطريق العيش ببلاش
توهنا وتعبنا خطوتنا
والخطوة
والخطوة اسيرة وبترجع
بتنادي طريقها ومين يسمع
دي التوهة بتالم وبتوجع
دلونا يا ناس علي سكتنا
والسكة
والسكة ماليها الشوك والنار
نعطش تسقينا عسل صبار
وان كان الصبر عذابة مرار
المر مرارة فى دمعتنا
والدمعة
والدمعة بتبكي فى نن العين
والناي موالة يا ليل يا عين
صابرين يا زمان ايام وسنين
والصبر اهو دبل وردتنا
والوردة
والوردة صاحبها عليل
غلبان
مقدرش يواجة
قلبة جبان
يصرخ والصرخة جبل كتمان
وياة راح نحفر تربتنا
التربة
والتربة حزينة وشراقي
عطشانة بتصرخ يا سواقي
دورنا عليكي ومش لاقي
ولا ساقية تروي شجرتنا
والشجرة
والشجرة من غير ضلاية
والضلة من غير شجراية
يا قرود وساكنة الجبلاية
تتقرود فوق سوطح خبتنا
والخيبة
والخيبة حدانا يا ليالي
قدام عنينا وطوالي
ماهو مخ الخيبة دا عجالي
بيسوقنا وبيخرب بيتنا
والبيت
والبيت بقي فاضي ومخوخ
على بابة مخبط ومصرخ
والباب دوامة وبتدوخ
غرقنا فى بحرك يا اهتنا
والاهة
والاهة دي عايشين جواها
لو تبعد بتكون نداهة
تجرحنا نقول راح ننساها
ولا نقدرو ننسي عشرتنا
والعشرة
والعشرة ماصلة جوانا
بتصونها ارواحنا التعبانة
ديما فاكرين اللى ناسانا
ولا يطلع يوم من فكرتنا
والفكرة
والفكرة اسيرة ومسجونة
ان صابت تصبح مجنونة
وان خابت تصبح ميمونة
حتي لو قتلت فرحتنا
والفرحة
والفرحة كيان من غير معني
تهجر على طول وتودعنا
وتفوتنا الايام ما تسعنا
وندوق الويل من فرقتنا
والفرقة
والفرقة شتات مبيرحمش
فى طريق البعد حرام نمشي
ايام وليالي مبنمشي
وندوق الويل من وحشتنا
وحشاني يا شمس يا شموسة
على خدك ببعتلك بوسة
طلي على ارضي المحروسة
دي العتمة حرقت شمعتنا
***********
جبروت راجل

من طرف **nemo** الخميس يونيو 04, 2009 4:21 pm

والفرحة كيان من غير معني
تهجر على طول وتودعنا
وتفوتنا الايام ما تسعنا
وندوق الويل من فرقتنا

نايس زجل
موفق وننتظر جديدك
بارك الله فيك

من طرف GABAROT RAGOL الإثنين يونيو 08, 2009 9:13 am

يسلمو علي المرور الكريم نيمو

من طرف angel fly الأربعاء يونيو 10, 2009 2:47 pm

بجد نايس يعطيك العافيه

من طرف GABAROT RAGOL الجمعة يونيو 12, 2009 10:11 am

شكرا علي المرور الكريم انجيل

من طرف GABAROT RAGOL الجمعة يونيو 12, 2009 10:13 am

شكرا علي المرور الكريم انجيل

النهاية

النهاية

رد: النهاية

رد: النهاية

رد: النهاية

رد: النهاية

رد: النهاية