منتديات صدفه


حكمة عجوز

استعرض الموضوع السابق استعرض الموضوع التالي اذهب الى الأسفل

حكمة عجوز

مُساهمة من طرف GABAROT RAGOL في الإثنين يونيو 01, 2009 8:55 am

والله واكبرت وعجزت
وشعرك شاب
كبرت يا واد
مقدرش تتحمل تقف على رجليك
والله زمان
فاكر زمان
فاكر لما كنت ويلد صغير؟
كنت تحلم تكون زي اليمام
وتحلق فوق زي العصافير
كنت شقي يا واد
ودماغك ناشفة عاد
دلوقيت عجزت؟
توك ما افتكرت انك كبرت؟
يخرب مطنك
نسيت ارضك؟
ناوي تبيعها؟
تتخلي عنها؟
لا ورب الكعبة
الارض ما تتباع الاغراب
لو حتموت فيها وينهشك غراب
تعرف لية؟
لانها ارض جدود جدودك
الدم سال فيها خوف
على قوتي وقوتك
دلوقتى عايز تفرط فيها؟
بتقول اية ؟
نفسك تسافر بلاد برة
يا ويليدي كيف؟
عاد اللى يموت فى بلادة
غير اللى يموت ضيف
عايز تتجوز ؟
توك ما افتكرت قطر العمر بيفوت
وافتكرت انك وحيد
اتجوز يا ويليدي
لكن خدها حكمة من عمك اخو ابوك
اياك تتجوز اللي تتمرقع وتتجلح عليك
مبتعمرش يا ويليدي
وديما سمها فى دلعها البارد
كيف الحية والعقرب
تلدغ وتبخ السم من بين الناب
وتتخدر
وتموت واقف هزيل
لما تخلف يا ويليدي
سمي ملاك
او حور
اسامي تحفظ القلب من شيطانة
ولا اقولك
هما يعني اللى خلفناهم نفعونا باية ؟
غيرشي الانسان مغرور
متسافرش يا ويليدي
متبعش الارض
خليك جارها
صون العرض
اياك
اياك يا ويليدي تكرها
دي اللى سترانا بخيرها
اديك شايف
حيطان البيت طين
واحنا طين
لكن عايشين
والورث تراب
هو اللى باقي
اياك تصدق الزمن يا ويليدي
دا زمن يوم ما يتصدق يبقى كداب
والناس نسيوني وسكرو وراهم الف باب
حتي السلامو عليكو مش بتعدي من برة الاعتاب
اول ما يجيك الموت افتح
يوم ما يخبط بابك اجلح
انفد بجلدك يا ويليدي
انت الكسبان
اوعاك تبص وراك
وتحلي الدنيا فى عنيك
دا زمن خسران
مشوار طولان
اول ما يجيك الموت متحسبهاش
متقولش الواد والبت والنسوان
انت كدة او كدة ميت
سرع بحالك وانفد
وروح للرحيم الرحمن
فهمت يا ويليدي
روح للرحيم الرحمن
****************
جبـــــ راجل ــــــــروت


GABAROT RAGOL

Nick Name : جـٍـٍـٍـٍـٍبـٍـٍـٍـٍرٍوٍتٍ رٍاجـٍـٍـٍـٍـٍـٍـٍـٍلٍ
عدد المساهمات : 164
تاريخ التسجيل : 29/05/2009
رساله sms رساله sms : لم يقم هذا العضو بإنشاء ال sms الخاصه به

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى