منتديات صدفه


طريق مسدود

اذهب الى الأسفل

طريق مسدود

مُساهمة من طرف GABAROT RAGOL في الإثنين يونيو 01, 2009 8:40 am

كنت معاك انسانة بجد
وانت خدعت لأبعد حد
اتغريت بهوايا و عشقى
و بنيت بينى و بينك سد

.*.*.*.
وكنت معاكى بحر حنان
عشق حلمتى بطيفه زمان
وياما جرحتى ودستى عليه
شالك جوة عيونه و صان

.*.*.*.
كان اسطورة رسمها خيالى
ليها بيرخص كل الغالى
بس حقيقى بجد تعبت
و اتغربت ايام و ليالى

.*.*.*.
غربة تعيشها بين احزانك
لما تلاقى حبيبك خانك
وييجى ويرسم صورة جريئه
الوان سودة سيبها مكانك

.*.*.*.
تانى بترسم دور العاشق ؟!
و ان الحب ف قلبك غارق
بس خلاص مبقتش بحسك
حتى كلامك مبقاش فارق

.*.*.*.
ومن امتى كلامى بتحسيه؟؟
م ياما قولنا كلام .. نستيه
مثلتى كتير على قلبى زمان
وسلّم ليكى .. جنيتى عليه
بس خلاص .. مش قادرة اتحمّل
عمّال تكدب و بتتجمّل
كل كلامك انا حفظاه
متعيدهوش تانى من الأول

.*.*.*.
عمر الحب معاكى قصيّر
احساس ساكنك .. وبيتغيّر
عمرى ما كنت حبيبك يوم
حبى كبير على قلب صغيّر

.*.*.*.
وصلنا خلاص لطريق مسدود
بينا و بين الحب حدود
سافر هاجر طيفه و سابنا
مش حيكونله ما بينا وجود



GABAROT RAGOL

Nick Name : جـٍـٍـٍـٍـٍبـٍـٍـٍـٍرٍوٍتٍ رٍاجـٍـٍـٍـٍـٍـٍـٍـٍلٍ
عدد المساهمات : 164
تاريخ التسجيل : 29/05/2009
رساله sms رساله sms : لم يقم هذا العضو بإنشاء ال sms الخاصه به

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى