منتديات صدفه
قلم رصاص R211


انضم إلى المنتدى ، فالأمر سريع وسهل

منتديات صدفه
قلم رصاص R211
منتديات صدفه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

قلم رصاص

اذهب الى الأسفل

قلم رصاص Empty قلم رصاص

مُساهمة من طرف GABAROT RAGOL الإثنين يونيو 01, 2009 8:28 am

قلم رصاص مقصوف
خترف بشىء جواه
طلع الكلام معروف
جه يمسحه مالقاه
اصل القلم مقصوف
كتب القلم مأهور
الذل فينا اتسكن
سن القلم مكسور
والذل ارض ووطن


الخوف سكن الملامح
عشش على البيبان
ولعدش سُكتنا فالح
ولاعمرى كنت جبان
شيوخ القبيلة عرايس
بيتحركه بحساب
واللى يقول الحق
ينضم للارهاب


وداير علينا الرحا
يكسّر الاحلام
ولا حد فينا استحى
وقال كفاية حرام
دالغلا هدم البيوت
نقل الاهالى ع الرصيف
يتمسحو ف اللى يفوت
عشان يلاقو تمن الرغيف

حتى اللى فايت
لابس القميص مكوي ونضيف
اوعاك تفكر انه بيه
دا مناه يشركك عل الرصيف
بس الشهادة نأحة عليه
وعيال تايهه ف الشوارع
متنتورين على كل ناصية
يصرخوا ولا حد سامع
الحياه ع الكل قاسية

نيجى بقى للمعضله
للى هيصلح بإيده
الشباب دول مشكله
يلطف المولى بعبيده
طيور وطيرة من غير امل
لاشُغله تنفع عشان يعيش
حلم الشباب فيه اتقتل
ملقاش قصاده غير الحشيش
آدى بقى كل الحكاوي
للى ناوي يصلح ف يوم
لا وفيه كوسه ورشاوى
وحبة حاجات ملهاش لزوم


كتب القلم وساكنه خوف
لو الكلام ده اتنشر
بص القلم ملقاش حروف
اتاري سنه كان اتكسر
قلم رصاص مقصوف
خترف بشىء جواه
طلع الكلام معروف
جة يمسح مالقاه
اصل القلم مقصوف



GABAROT RAGOL

Nick Name : جـٍـٍـٍـٍـٍبـٍـٍـٍـٍرٍوٍتٍ رٍاجـٍـٍـٍـٍـٍـٍـٍـٍلٍ
عدد المساهمات : 164
تاريخ التسجيل : 29/05/2009
رساله sms رساله sms : لم يقم هذا العضو بإنشاء ال sms الخاصه به

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى