وحوي يا وحوي

من طرف GABAROT RAGOL الإثنين يونيو 01, 2009 8:19 am

وحوى يا وحوى يا ام الدنيا

فين الدور وفين الهمة

اتخليتى ولا نسيتى

انك انتى ضمير الامة

بقى دة كلام يرضيكى بالذمة

وحوى ياوحوى يا ام الدنيا

كل بلاد الامة حبيسة

جوة مؤامرة دنيئة خسيسة

والامريكى اتحكم فيكى

والارواح فى بلادنا رخيصة

زى بضايع الساكسونية

وحوى ياوحوى يا ام الدنيا

ارجعى تانى يا مصر منار

انفضى عنك اى غبار

عين جالوت محتاجة جنود

سن سيوفهم دم تتار

لو كان حتى سيف ألامونيا

وحوى يا وحوى يا ام الدنيا

FPRIVATE "TYPE=PICT;ALT="

رمضان هل علينا يا غالية

بيفكرنا بيوم النصر فاكرة يا مصر

لما عبرتى محنة يونية

يومها رجالك كانو اسود

حاربو عشان الحق يعود

جندى يكبر الله واكبر

ومعانا للمولى جنود

واحترمتنا كل الدنيا

وحوى يا وحوى يا ام الدنيا
__________________
جبـــــــ راجل ــــــــروت