العتمة (شعر صعيدي )

من طرف GABAROT RAGOL الإثنين يونيو 01, 2009 8:01 am

العتمـــــــــــــــــــــــــه
فتحت عيني لاقيت الليل مغطيني
غمضت تانى
وحلمت الملم حبة ضي تحييني
والليل انانى
فارد جناح العتمة بالمشوار
واقف في وجه النور ديدبان زنهار
لا نجمة بتعدي
ولا شمعة في يدي
ولا رقعة بيضة في قلب توب الليل يبان نورها على خدي
وكن الليل مخاوينى
وعتمته هي عنواني
نفضت غبر العتمة عن توبي
نفضت غبر العتمة عن توبي عكمنى الليل
وقالي العتمة دى قدري ومكتوبى
وليلى طويل
جريت
جريت من عتمة على عتمة لحد ما دخت
ناديت على الفجر وماردش
زهقت ... صرخت
ياليلى القاسي ما تباعد
يا فجرى ميتا حتعاود
كفاياك تعاند ليل العتمة ويعاندك
وأنا بينكم غزال شارد
لا منك جيت تواسيني
ولا شقشقت ترعاني
رميت الصبر بهمومي
رميت الصبر بهمومي وناشانى مجافينى
واتارى الصبر من يومي لاهمانى مجافينى
وجافا النوم دفي جفني وسهرني
وشق الليل شقي قلبي وحسرني
وعتم روحي جوايا
ولجم صوتي وصبايا
وباعد بين ضيا قلبي وبين أملى
وقاد العتمة في حشايا
ولا جة الصبر يواسيني
ولا قرب وعزاني
**********
جبـــ راجل ــــروت