منتديات صدفه


إتخنقت

استعرض الموضوع السابق استعرض الموضوع التالي اذهب الى الأسفل

إتخنقت

مُساهمة من طرف GABAROT RAGOL في الإثنين يونيو 01, 2009 7:53 am

اتخنقت
زهقت
قرفت
مش عارف لية الحياة بقت صعبة كدا
كل لما اجيلها كدا
تيجيلى كدا
وانا تاية بين دا ودا
والمشكلة انة مفيش مشكلة
عايش باشا
باكل بغاشة
بلعب طاولة
وبلعب ضمنة
والحياة مزهزة
مفيش عكننة
والشيطان بقى غلبان قوى
كان زمان بيوسوسلنا نسكر ونعربد
دلوقتى الشيطان بيقولنا يابنى ارحمنى واعبد
بصراحة جننا الشيطان
والسم مبقاش فى حلق التعبان
دا السم بقى في كل لسان
يبقى بالذمة مليش حق
لما قولت انى اتخنقت
انى زهقت
انى قرفت
ياعم الشباب دلوقتى مبقاش عاطل
من كتر الفلوس مبقاش فاضل
غير شوية شحاتين
بيلعبو بالملايين
وكل شحات من دول بيلعب فى مليون جنية
طيب تسمحلى اقول بالاسكندرانى احية
لما الشحات كدا
عايزنى ابقى اية
ياخى دانا زهقت
نفسى اغير الهامر بتاعتى واجيب حاجة احلى
او اجبلى كام موزة حلوة والدماغ حتبقى اعلى
ولا اروح احارب اسرائيل وفى ايدي سجارة بنى
ولا اقول نادى بالسلام ويا شعبولا غنى
حيقولك بكرة اسرائيل
طيب ما تقولى
هى اسرائيل عملتلك حاجة
ماهى سايباك عايش فى سلام
وبتاخد اللى هى عايزاة بدون كلام
ثم حتاحرب ازاي وانت مسطول
ودماغك فاضية على طول
ومفيش فى بالك غير النسوان
دا يبقى كلام
ياخي اتلهي وادخل نام
يبقى ليا حق اقول اتخنقت
زهقت
قرفت
ولا مليش
دا حتى المشايخ بقو لابسين كول
ماسكين موبيلات وعلى الكافية من غير ما تقول
والحكومة مشرفانا بعساكرها على طول
واذا قولت يا اخوة الحقونى يقولو مش معقول
شوفت بقى الحنكة فى الاداء
الشعب المصرى بقى عندة داء
ياخد على قفاة ويقولك احترام الاراء
واذا احترمو مصرى يقولك دى خدعة من هيئة القضاء
يبقى مليش حق اقول اتخنقت
***********
جبـــ راجل ــــــــروت


GABAROT RAGOL

Nick Name : جـٍـٍـٍـٍـٍبـٍـٍـٍـٍرٍوٍتٍ رٍاجـٍـٍـٍـٍـٍـٍـٍـٍلٍ
عدد المساهمات : 164
تاريخ التسجيل : 29/05/2009
رساله sms رساله sms : لم يقم هذا العضو بإنشاء ال sms الخاصه به

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى