ازاي تخسر اي انسان
4 مشترك
صفحة 1 من اصل 1
ازاي تخسر اي انسان
ابتدي معانا خطوة بخطوة وان شاء الله حتخسر الشخص ده الى الابد وتخسر معاها صداقة كان ممكن تبقى جميلة
1- جرب تعدي من جنبه وعينك تيجي في عينيه وبعدين دير وجهك ولا كانك شايفه
بجد رهيب الموضوع ده
2- لو هو كان رخم وسلم عليك بعد ما ديرت وشك ،اديله ابتسامة زي اللي بتديها للمراقب اللي بيوزع عليك ورقة الاسئلة
3- وهو بيتكلم بص في الساعة و ابتدي اتفرج على الناس اللي جاية من بعيد
4- اول اما تشوفه جاي عليك
افتتح كلامك معاه باحدى الجمل الاتية
انا ماشي دلوقتي
ورايا معاد
يا ريتني كنت افتكرت ربع جنيه
5-الجواب على قد السؤال وبمنتهى التناحة
ازيك
-كويس
-عامل ايه
- ماقلنا كويس
- الجروب بتاعك جميل
- مانا عارف
6- سلاح سري
سلاح قوي اسمه السخرية
وخصوصا لو كان ولد مع بنت او العكس
نتايجه فعالة جدا
اتريق على اللي قدامك ،شكله لبسه ، كلامه
- ايه ده انت شايل شنطة ولا مخلة بتاعة الكتاب
- شكلك كانك لسة صاحي من النوم
- انت كسرت السلسلة وهربت امتا
بس خلي بالك السخرية ممكن تلف تلف و تنقلب عليك
7- العتاب
افتكر له الغلطة اللي عملها فيك من 15 سنة واحكيها قدامه لكل الناس
8-قاطعه في الكلام
ايه الكلام السخيف اللي هو بيقوله ده
انا ممكن اقول درر وجواهر احسن منه
9-وهو بيكلمك اسرح في الافق وتوه
توهااااان
اصلك مطبق من يومين
وطبيعي انك تنام وانت واقف وعينيك مفتوحة
كل الناس اللاسعة بتعمل كده
وهو طبعا حيفتكر حاجة من اتنين
اولا انك هيمان فيه
ثانيا ان روحك سافرت الحجاز صليت المغرب ورجعت تاني
10- خليك عامل زي الزئبق
موجود ومش موجود
دايما وراك حاجة بس مش عارف ايه هي
الغموض هو احد اشهر الاسباب اللي تخلي الناس تنفر منك وخاصة لو زاد عن حده
11- اوعى تتصرف على طبيعتك
مرة تبقى مكسوف ومتنيل على عينك وانت بتكلمه
ومرة تانية تطول لسانك عليه
الردود لو سمحتم :
AMER AKBER ANTONY- Nick Name : amer akber antony
عدد المساهمات : 337
تاريخ التسجيل : 12/06/2009
العمر : 42
رساله sms : لا اله الا الله محمد رسول الله
رد: ازاي تخسر اي انسان
تسلمي اختي
باسم- مشرف
- Nick Name : basem1969
عدد المساهمات : 303
تاريخ التسجيل : 29/05/2009
العمر : 54
رساله sms :
رد: ازاي تخسر اي انسان
هههههههههههههههههههههههههههههههههههههه
نايس توبيك
نايس توبيك
Not Invincible- Webmaster
- Nick Name : Not Invincible
عدد المساهمات : 1101
تاريخ التسجيل : 25/05/2009
العمر : 32
رساله sms :
رد: ازاي تخسر اي انسان
صباح الفل
هههههههههههههههه
تسلم الايادي
هههههههههههههههه
تسلم الايادي
MrHawk- Nick Name : MrHawk
عدد المساهمات : 14
تاريخ التسجيل : 15/09/2009
العمر : 38
رساله sms :
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى