منتديات صدفه
مصــــــــر ( عبد الرحيم منصور ) R211


انضم إلى المنتدى ، فالأمر سريع وسهل

منتديات صدفه
مصــــــــر ( عبد الرحيم منصور ) R211
منتديات صدفه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

مصــــــــر ( عبد الرحيم منصور )

2 مشترك

اذهب الى الأسفل

مصــــــــر ( عبد الرحيم منصور ) Empty مصــــــــر ( عبد الرحيم منصور )

مُساهمة من طرف GABAROT RAGOL الأربعاء يوليو 08, 2009 8:53 am

يا مصر ياللى طول السنين تتغنى

يا حكمه يا قبه فى ضمير الأجيال

يا طالعه من جوه الصدور بتئنى

أنة جموع وأمل وأنه رجال

خد الربابه يابن بلدى وغنى

بلدك حبيبتك نبض الموال

بلدى يا مصر .

أنا بين ضلوعك جنين .

أنا على صدرك صبى .

مليان غنا

مليان حنين

أنا في عيونك ندا .

ندا للى طالت به مشاوير الدروب

يرجع اللى غاب

ويريح الأغراب

ويفتح الأبواب

بفرحه للأحباب

أرفع جبينى واقول

يا مصر يا صبيه

ياللى في شعرك شبيه بكريه

أنتى النجوع

وأنتى الربوع

وأنتتى الحنان

وأنتى الأمان

وأنتى ابتسامة تهز غربال

الوليد يوم السبوع

ياللى فى قلبك صلى

ياللى فى عنيكى يسوع

يا مصر يا حبيبتى

أنتى البدايه

وأنتى النهايه

وأنتى ملازى حين ارتمى برأسى على صدرك

وأنتى بتحكى لى الحكايه

صوتك يصحى بكره جوايا

يصحى الأمل جوايا

صوتك يصحى الشهيد

شاورى بأيدك يا مصر

ارمى بنفسى حين عنيكى تريد

يا مصر يا حبيبتى

دايما مروح فيكي للماضى . وللآتى .

اتحنى من همك

واتعلم الصبر منك

واسمى كل اللى بحبه باسمك

تناديلى

أناديكى

وأسمع نداكى وأقول

ده نداكى ولا ندايا

ولا ندا الغلابه

ولا ندا الصابرين

أولادك القادرين

اللى سنين ماشيين

يقولولك يا صابره

طول عمرك بتدى

والزمن بياخد

وياريته يجيب

طول عمرك تعدى

ع الشوك والصعاب

والليل الغريب

طول عمرك حبيبه

وحضن لليتامه

وسكه للسلامه

دعوتك قريبه

ونجمتك غريبه

فى وسط الغمامه

خد الربابه يا ابن بلدى وغنى

بلدك حبيبتك نبض الموال

1967

GABAROT RAGOL

Nick Name : جـٍـٍـٍـٍـٍبـٍـٍـٍـٍرٍوٍتٍ رٍاجـٍـٍـٍـٍـٍـٍـٍـٍلٍ
عدد المساهمات : 164
تاريخ التسجيل : 29/05/2009
رساله sms رساله sms : لم يقم هذا العضو بإنشاء ال sms الخاصه به

الرجوع الى أعلى الصفحة اذهب الى الأسفل

مصــــــــر ( عبد الرحيم منصور ) Empty رد: مصــــــــر ( عبد الرحيم منصور )

مُساهمة من طرف nemo الخميس أغسطس 06, 2009 5:07 am

أولادك القادرين

اللى سنين ماشيين

يقولولك يا صابره

طول عمرك بتدى

والزمن بياخد

جميل اخى ماخطته يدك


بارك الله فيك

nemo
المديره العامه للمنتدي
المديره العامه للمنتدي

Nick Name : nemo
عدد المساهمات : 576
تاريخ التسجيل : 30/05/2009
العمر : 53
رساله sms رساله sms : ابتسم مهما كانت معاناتك

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى